Thursday, 24 September 2015

Te Nekenekehanga ki Waipa

Kua kohia etahi pipi, kua hikina atu ki Waipa. No te ata nei i puta atu nga tauira o Te Puna Matauranga me Te Wharekura o Mauao ki Waipa. I reira a Matua Caine me tona ropu awhina.
heoi ano te mahi he ruirui haere i etahi pipi ki nga tahuna o waho o Waipa. I tae atu hoki a Tame Kuka, nana te karakia i whakarite me te kauhau mai i etahi korero mo te wa o mua. Kaore i roa kua oti te mahi ki roto i te wai, ara, te ruirui haere i nga pipi kua kohia mai i Paritaha.
He tino mihi na matau o te Puna Matauranga ki nga kaihautu o tenei kaupapa, ara a Whaea Waiaria raua ko Matua Caine. E ai ki te korero "Ka mate te iwi mehemea kaore he matakitetanga".

No comments:

Post a Comment